التفعيل
فعّل شاشتك
كود التفعيل ١٠ أرقام لشاشة وحدة. تشتريه مرة وحدة، وتكتبه في الشاشة، وخلاص.
المتجر يفتح قريب. لين يفتح، البرنامج يشتغل معك ٧ أيام تجربة ببلاش.
الخطوات
من الشراء لين التفعيل
اشترِ الكود
من متجرنا. الكود يوصلك بعد الدفع في صفحة الطلب.
افتح صفحة التفعيل في الشاشة
من واجهة «رتّب شاشتك» اضغط زر التفعيل فوق (وقت التجربة يكتب «تجربة · باقي … أيام»)، أو:
الإعدادات←التفعيلاكتب الأرقام العشرة
بأزرار الأرقام في الريموت. أو من جوالك: افتح تطبيق «رتّب شاشتك» واكتبه من صفحة «البيت».
تطلع لك «تم التفعيل»
وكل الميزات تشتغل. لو قفلت الشاشة أو انقطع النت، التفعيل يبقى.
تأكد من الكود
اكتبه هنا قبل الشاشة
نحوّله لأرقام الريموت ونعدّه لك. ما يطلع من جوالك لأي مكان.
لو طلع لك شي
وش يعني، ووش تسوي
«الرقم غلط. تأكد منه وجرّب»
تأكد إنك كتبت الأرقام العشرة بالترتيب، وإنه كود التفعيل مو رقم الطلب. جرّب تكتبه فوق في «تأكد من الكود».
«هالرقم مستخدم في شاشة ثانية»
كل كود لشاشة وحدة. لو هذي نفس شاشتك بعد ضبط المصنع أو تغيير اللوحة، راسلنا مع رقم الطلب ونشوف وضعها.
«هالرقم موقوف» أو «ما يشتغل على هالشاشة»
راسلنا مع رقم الطلب ونشيّك عليه.
«جربت كثير. انتظر ساعة وجرّب»
عشان نحمي الأكواد من التخمين، نوقف المحاولات بعد كذا محاولة غلط. انتظر ساعة وجرّب مرة وحدة بالكود الصح.
ضاع الكود
تلقاه في صفحة الطلب في المتجر، وفي رسالة الطلب. وإذا ما لقيته، راسلنا مع رقم الطلب.
«ما وصلنا للسيرفر» أو «السيرفر ما رد»
التفعيل يحتاج نت. تأكد إن الشاشة متصلة بالواي فاي، وجرّب بعد شوي.