من جوالك
نزّل تطبيق الجوال وركّبه.
خلّ الجوال والشاشة على نفس الواي فاي.
افتح التطبيق، وهو يركّب «رتّب شاشتك» على الشاشة ويمشي معك خطوة خطوة.
للشاشات وللجوال
تطبيقات رتّب
نزّل برامجنا من هنا على طول، وركّبها على شاشتك بالريموت. طريقة التركيب تحت.
شاشات Android TV و Google TV. هايسنس وتوشيبا (VIDAA) وسامسونج وإل جي ما تنفع. وبعض الماركات فيها أندرويد وغيره، فتأكد إن شاشتك أندرويد، أو جرّب الفحص المجاني.
رتّب شاشتك للشاشة
يرتّب الواجهة، ويطفّي إعلاناتها والبرامج الزايدة، ويأذّن في وقته. جرّبه ٧ أيام ببلاش، وبعدها التفعيل بـ ٣٩ ريال.
رابطه في الشاشة: rattib.tv/tv
رتّب شاشتك للجوال
يركّب البرنامج على شاشتك، وبعدها جوالك يصير ريموت لها. لجوالات أندرويد.
رابطه: rattib.tv/app
طريقة التركيب
ركّبها على شاشتك
اختر الطريقة اللي تناسبك. أسماء القوائم تختلف شوي بين الشاشات.
ببرنامج Downloader
في الشاشة افتح متجر Google Play، وابحث عن Downloader (أيقونته برتقالية، وهو مجاني) وثبّته.
افتحه، وفي خانة الرابط اكتب:
rattib.tv/tv
واضغط Go.
ينزل الملف، واضغط تثبيت.
أول مرة بتطلع رسالة إن الشاشة ما تسمح. شوف «اسمح بالتثبيت» تحت.
بمتصفح الشاشة
افتح المتصفح اللي في شاشتك.
اكتب فوق في خانة العنوان:
rattib.tv/tv
لما يخلص التنزيل، افتح الملف واضغط تثبيت.
ولباقي البرامج غيّر آخر الرابط: rattib.tv/app للجوال، وهكذا.
اسمح بالتثبيت (مرة وحدة بس)
الشاشة ما تثبّت أي ملف من برّا المتجر إلا بإذنك. لما تطلع الرسالة:
اضغط الإعدادات في الرسالة نفسها، وفعّل السماح للبرنامج اللي نزّلت منه (Downloader أو المتصفح). وارجع واضغط تثبيت.
ما طلع لك زر الإعدادات؟ روح لها بنفسك:
الإعدادات←التطبيقات←الأمان والقيود←مصادر غير معروفةوفعّل البرنامج اللي نزّلت منه.
ما لقيت «مصادر غير معروفة»؟ في Google TV لازم تفعّل خيارات المطوّر أول:
الإعدادات←النظام←حول←إصدار نظام Android TVاضغط عليه ٧ مرات ورا بعض لين يقول «أنت الحين مطوّر»، وارجع للخطوة اللي قبل.
«مصادر غير معروفة» تقدر تطفّيها بعد التثبيت. وخيارات المطوّر خلّها شغّالة: برنامج الشاشة يحتاجها، ويشرح لك وقت الإعداد.
أي شي يوقفك، راسلنا على rattib.tv@gmail.com مع صورة الشاشة.